Saat24.Az-ın məlumatına görə İyunun 5-də Mərkəzi Aran Regional Təhsil İdarəsinin müdiri Elçin Kərimov Mingəçevir şəhərində 2022/2023-cü tədris ili üzrə müəllimlərin işə qəbulu müsabiqəsinin test imtahanı mərhələsinin keçiriləcəyi imtahan mərkəzləri ilə tanış olub.
İdarə müdiri Mingəçevir şəhər R.Muradov adına Texniki Humanitar lisey və S.Vurğun adına 16 nömrəli tam orta məktəbdə təşkil olunacaq imtahan mərkəzlərinə baxış keçirib, aparılan işlərlə tanış olub və mövcud problemlərin həlli istiqamətində müvafiq tapşırıqlar verib.
Eyni zamanda imtahan mərkəzlərində nəzarətçi qismində iştirak edəcək şəxslərlə görüşüb, ətraflı müzakirələr edilib və verilən suallar cavablandırılıb.
