Saat24.Az xəbər verir ki,İyunun 8-də Mərkəzi Aran Regional Təhsil İdarəsinin müdiri Elçin Kərimov Ağdaş şəhərində təhsil işçiləri ilə görüşüb.
Görüşdə sözügedən bölgənin yerli təhsili idarəetmə sektorunun əməkdaşları və təhsil müəssisələrinin rəhbərləri iştirak ediblər.
Görüş zamanı idarə müdiri ilk olaraq təhsilin keyfiyyətinin yüksəldilməsi və inkişafı üçün uğurlu addımların atılacağını qeyd edib. Həmçinin idarə müdiri tədrisin səmərəli təşkili, məktəb idarəetmə sisteminin təkmilləşdirilməsi ilə bağlı məsələlərə toxunub. Daha sonra təhsil sahəsi üzrə mövcud problemlər və onlarının həlli istiqaməti ilə bağlı məsələlər müzakirə edilib.
Sonda müəssisə rəhbərlərinin təklifləri dinlənilib və suallar cavablandırılıb.
