30 iyun 2022-ci il tarixində Ağdaş rayon Heydər Əliyev Mərkəzində “Tədbirlər Planı”na uyğun olaraq Nazim Hikmətin 120 illiyinə həsr olunmuş tədbir təşkil olunub. Tədbirdə Ağdaş rayon Heydər Əliyev Mərkəzinin əməkdaşı Mirvari Mustafayeva çıxış edərək tədbiri açıq elan edib. Daha sonra Mərkəzin elmi işçisi Nərmin Əzizova çıxış edərək Nazim Hikmətin həyat və yaradıcılığı haqqında geniş məlumat verib. Sonra Nazim Hikmətin "Büyük insanlık" adlı şeiri öz səsi ilə və Nazim Hikmətin "Ne Güzel Şey Hatırlamak Seni" adlı şeiri Erdoğan Egemenoğlunun ifasında səsləndirilib. Sonda isə 1 saylı Gənclər Kitabxanasının əməkdaşları və tədbir iştirakçıları tərəfindən Nazim Hikmətin bir neçə əsərləri müzakirə olunub.
