18 yanvar 2023-cü il tarixində Zərdab şəhər Uşaq İncəsənət Məktəbində 20 Yanvar şəhidlərinə həsr olunmuş “Bitməyən acı” başlığı altında ədəbi-bədii kompozisiya keçirilib. Tədbirdə ilk öncə şəhidlərimizin əziz xatirəsi bir dəqiqəlik sükutla yad edilib.
Çıxış edənlər qanlı Yanvar gecəsinin yaddaşlardan silinməyəcəyini qeyd edərək bildiriblər ki, keçmiş sovet dövlətinin hərb maşınının həmin gün əliyalın Azərbaycan xalqına qarşı həyata keçirdiyi vəhşi terror aktı insanlığa qarşı törədilmiş ən ağır cinayətlərdən biri kimi bəşər tarixində qara səhifə olaraq qalacaq.
Tədbir zamanı məktəbin şagirdlərinin ifasında şəhidlərə həsr olunmuş şeirlər səsləndirilib.
Sonda məktəbin təsviri-incəsənət ixtisası şagirdlərinin 20 Yanvar şəhidlərinə həsr olunmuş əl işlərindən ibarət rəsm sərgisinə baxış keçirilib.
#Azərbaycan #AğdaşRMİ #ZərdabUİM #20Yanvar #ŞəhidlərÖlməz #qanyaddaşı
