22 sentyabr 2023-cu il tarixində Qəbələ rayon Mədəniyyət Mərkəzində Azərbaycan Respublikasınnın Qeyri Hökumət Təşkilatlarına Dövlət Dəstəyi Agentliyinin Maddi yardımı və "Şəhid Analarına Dəstək" İçtimai Birliyinin təşkilatçılığı ilə "Zəfərin şahinləri Şəhidlər qonaq gəlib" layihəsi çərçivəsində ədəbi bədii gecə keçirildi. Tədbirdə Qeyri Hökumət Təşkilatlarına Dövlət Dəstəyi Agentliyinin Maddi yardımı ilə "BAYFİLM" MMC tərəfindən istehsal olunmuş Azərbaycan Respublikasının ərazi bütövlüyü uğrunda canlarından keçən şəhidlərimizin əziz xatirəsinə ithaf olunmuş "Missiya" qısametrajlı bədii film nümayış olundu.
Rayon icra hakimiyyətinin, idarə, müəssisə və təşkilatların kollektivlərinin, şəhid ailələrinin, qazilər və müharibə iştirakçılarının, rayon ictimaiyyətinin iştirak etdiyi tədbirdə torpaqlarımızın işğaldan azad olunması uğrunda şəhadətə yüksəlmiş şəhidlərin əziz xatirəsi 1 dəqiqəlik sükutla yad edilmişdir. Çıxış edənlər Azərbaycanın azadlığı və ərazi bütövlüyü uğrunda mübarizə tarixinə qəhrəmanlıq səhifəsi kimi yazılan Vətən müharibəsində şəhid olanların xatirəsinin yaddaşlardan heç vaxt silinməyəcəyini qeyd etmiş, bu gün işğaldan azad edilmiş ərazilərdə aparılan quruculuq işlərindən danışmış, şəhid ailələrinə və qazilərə göstərilən diqqət və qayğıya görə minnətdarlıqlarının bildirmişlər.
Şəhid Analarına Dəstə" İctimai Birliyin sədri şəhid Əbdülməcid Axundovun anası Ceyran Həsənova tədbirin keçirilməsində böyük dəstək göstərdiyinə görə Qəbələ Rayon İcra Hakimiyyətinə təşəkkürünü bildirdi.
