Azərbaycan Respublikası Gənclər Fondunun dəstəyi, Azərbaycan Respublikası Gənclər Təşkilatları Milli Şurasının "Gənclər Təşkilatlarının Fəaliyyətlərinin Dəstəklənməsi" Proqramı - 2.0 çərçivəsində "Gələcək" İntellektual İnkişafa Yardım İB-nin təşkilatçılığı ilə həyata keçirilən Gənclər arasında "Zəfər Kuboku" çempionatı yekunlaşıb.
Məlumat üçün qeyd edək ki, Gənclər arasında “Zəfər Kuboku” Futbol, Şahmat, Cüdo, Atıcılıq və Xəmsə intellektual oyunları üzrə keçirilib. Futbol üzrə 168 i gənc olmaqla 180 nəfər, Şahmat üzrə 41 - gənc olmaqla 120 nəfər, Cüdo üzrə 64 gənc olmaqla 71 nəfər, Atıcılıq üzrə 20 nəfər, Xəmsə İntellektual oyunu üzrə 65 nəfər gənc iştirak edib. 159 gəncin iştirakının planlaşdırıldığı halda ümumi olaraq 456 nəfər gənc Zəfər Kubokunda iştirak edib.
Layihə Zəfər Kuboku Çempionatının Mütləq və Şanlı zəfərimizin və bu Zəfərin memarları olan şəhidlərimizin əziz xatirəsinə həsr olunub. Layihənin əsas məqsədi yeniyetmə və gənclərə vətənpərvərlik hislərini aşılamaq, onların asudə vaxtlarından səmərəli istifadə etməsi, ictimai həyatda rolunun artırılması, ruh yüksəkliyi və vətənini sevən vətəndaş kimi tərbiyə olunmasını təmin etməkdir
