28 oktyabr 2022-ci il tarixində Zərdab rayon Kəndəbil kənd Z.Məmmədov adına tam orta məktəbdə Azərbaycan Respublikası Elm və Təhsil Nazirliyi tərəfindən həyata keçirilən Təhsildə İnkişaf və İnnovasiyalar üzrə VI Qrant müsabiqəsinin qaliblərindən olan Aygün Abdullayevanın "Fiziki-psixoloji zorakılıqdan (o cümlədən virtual aləmdə) müdafiə" adlı layihəsinin təqdimat mərasimi keçirilib. Mərasimdə ictimaiyət nümayəndələri,müəllimlər və şagirdlər iştirak edib.Mərasimi giriş sözü ilə açan layihə rəhbəri Aygün Abdullayeva layihənin məqsəd və prinsipləri və eyni zamanda aktuallığı haqda tədbir iştirakçılarını məlumatlandırıb. Açılış mərasimində çıxış edən rəsmi qonaqlar və tədbir iştirakçıları layihə haqqında fikirlərini səsləndirib və layihə icraçılarına uğurlar arzu ediblər.Açılış mərasiminin sonunda iştirakçılar layihə haqqında müzakirələrini çay süfrəsi arxasında davam etdirib. Qeyd edək ki,layihə çərçivəsində Zərdab rayonunda yerləşən 10 ümumtəhsil məktəbində hüquqi və psixoloji mövzuda təlimlər keçiriləcək və yaddaş kitabçaları paylanılacaq.
